راح تودّع معاملاتك المصرفية التقليدية مع وياي، البنك الرقمي الأول بالكويت.
نفتح لك أبواب المستقبل، نرفع طموحك لمستويات جديدة ونساعدك تطلع طاقتك
وتحقق أهدافك المالية... وهذا كله من موبايلك. خلني أعلمك شلون..
مبني على الثقة
ابتكر بنك الكويت الوطني تطبيق وياي بناء على خبراته المالية علشان تضمن ان فلوسك بالحفظ والصون.
ما فيها لوية وتعب، التسجيل كله رقمي
افتح حسابك من موبايلك خلال دقايق بدون حوسة أوراق ونطرة طوابير. سوينا عملية فتح الحساب رقمية 100% وسهلة وآمنة- يعني كل اللي تحتاجه صورة بطاقتك المدنية وسيلفي.
أحدث التقنيات اللي تحمي حسابك
نستخدم أحدث التقنيات علشان تكون فلوسك بالحفظ والصون وتستخدم التطبيق بكل سهولة. تقنية الـ Face ID تعطيك مجال توصل لفلوسك بشكل أسرع و الـ OTP يرفع مستوى الأمان ويخلينا نتأكد من هويتك.
بطاقتك... على ذوقك
صمّم بطاقة وياي على ذوقك. تقدر تختار بين اللون الأخضر أو الأزرق واحنا نوصل لك بطاقتك. وتقدر تشوف بيانات بطاقتك من التطبيق بأي وقت وحتى قبل لا نوصلها لك.
تحويل إعانتك... ولا أسهل!
حوّل إعانتك لحساب وياي بخطوات بسيطة واستمتع بهدية مع أول إعانة تنزل بحسابك. مو بس جذي، راح تحصّل مكافآت أكثر كل شهر.
إيداع بسرعة الصاروخ
استخدم أي بطاقة سحب آلي محلية علشان تودع فلوس بحسابك وياي أو تقدر تحوّل بشكل مباشر لحسابك من أي حساب ثاني.
مكافآتنا غير
مكافآتنا راح توصل لك أول ما نتعرف عليك. وكل ما استخدمت وياي، كل ما خذيت مكافآت أكثر. استخدم مزايا التطبيق واستمتع بالمفاجآت والخصومات من المحلات اللي تحبها.
راقب وضعك المالي
تصرف بفلوسك وشوف عملياتك المصرفية أول ما تتم عن طريق التطبيق. وإذا حسيت إن في شيء غلط تقدر تبلغنا بسهولة.
في خدمتك 7/24
احنا في خدمتك 7/24 . متى ما احتجت مساعدتنا تواصل معانا على الواتساب أو اتصل على مركز الحلول.
الجاي أحلى
تقاسم الفاتورة مع ربعك
ريّح راسك وودّع لوية منو يطالب منو وخل الحسبة علينا. دز لنك الدفع للي تطالبهم فلوس وسهّل على نفسك موضوع الفواتير.
حدد أهدافك واحنا نساعدك تحققها مع حصالات التوفير
التوفير صار ولا أسهل مع حصالات التوفير. كل اللي عليك إنك تحط فلوسك بالحصالة والتطبيق راح يقوم بالواجب. واحنا أكيد ما راح نقصر، بنساعدك ونذكرك توصل للي تبيه ونحتفل وياك لما توصل لأهدافك.
ادفع فواتيرك من موبايلك
لا تتأخر بدفع فواتيرك وسهل على نفسك عملية الدفع من خلال التطبيق.
حوّل فلوس لربعك بكبسة زر
سهلنا عليك عملية استلام وتحويل الفلوس من وإلى ربعك وخليناها تونّس. ما راح تحتاج بياناتهم البنكية بس تحتاج تشاركنا أرقامهم. تقدر تكتب لهم رسالة، تدز لهم صورة أو تسجل لهم تسجيل صوتي مع لنك الدفع.
تبي تكون جزء من التغيير وياي؟
حمّل تطبيق وياي، افتح حسابك اليوم وابدأ تخطط لمستقبلك.